Free shipping on all orders in Saudi
  • Home
  • Azha Blog
  • عادات الحجر، حتكمّل معانا ولا حننساها؟

عادات الحجر، حتكمّل معانا ولا حننساها؟

by Elaf Trabulsi on June 24, 2020  in azhaCOVID-19exercisegiftgoalshealthylocalpatternquarantineself careself lovespiritualitySummertipsهدية

  بقلم : بيان باهمّام

في فترة الحجر قضينا وقت كثير مع نفسنا واكتشفنا صفات كثير فينا ما كنا منتبهين لها من قبل. بعد رجوع الحياة  لطبيعتها، هل حنقدر نعطي نفسنا نفس الحب والاهتمام؟ ولا حننْسى العادات الجيّدة اللي بنيناها في الفترة اللي فاتت؟

حبك لنفسك ماله وقت أو زمان معين. خلال فترة كورونا أو غيرها لازم تعطي نفسك الوقت اللي تستحقه، عشان وقت ما تحتاجها تكون جنبك. غير كريمات الوجه والماسكات، في طرق كتير تهتم فيها بنفسك وتغذّي بيها احتياجاتك!

:نكتب لك اليوم كيف ممكن تحب نفسك أكثر ممّا يعود عليك وعلى روحك بالنفع

  :اتعرف على نفسك أكثر

 مين انت؟ لما تطفي الأنوار وتكون في هدوء لحالك ايش الأفكار اللي تجي في بالك؟ انتَ مبسوط؟ ايش الشي اللي نفسك تغيره؟ ايش اكثر شي تحبه في شخصيّتك؟ طيب وهواياتك؟ الطريقة اللي بتقضي فيها أوقاتَك؟ شوف انتَ محتاج تتحسن في ايش؟ و كيف؟  

لو كنت مقصر مع نفسك، كل يوم وكل لحظة حتكون هي الوقت المناسب عشان تعطي نفسك احتياجاتها. اكتب    رسائل امتنان لنفسك على كل الجهد اللي بذلته الفترة الماضية ورسائل اعتذار على كل المرّات اللي نسيت فيها حق  نفسك 

 

 

:اهتَم بنظامك الغذائي  

هل نمط تغذيتنا يؤثّر على حياتنا ؟

طبعاً وبكل تأكيد! التزامك بعادات غذائية جيّدة حيزِيد من التزامك بعادات جيّدة في نواحي مختلفة! واهتمامك بغذائك !يعني اهتمامك بجسدك وصحتك 

مو غلط إنك  تجرّب عادات جديدة وصحية في نمط تغذيتك! ممكن تجرّب العصير الأخضر (صدقني طعمه احسن من ما تتخيل!) وممكن تزيد من تناولك للخضْروات والفواكِه ولو بتدوّر على أحد يجيب لك سلطاتك جاهزة لباب بيتك  ROOTS  حيكونُوا خيارك الأول. كمان ممكن تجرّبو وصفات صحية جديدة وتستمْتعوا بطريقة صنعها في البيت و كتاب مطبخ بلا طبيخ في سن فارمسي حيساعِدكم تستكشِفوا و تبدعوا!

    

و في أيام معيّنة  تقدر تسمح لنفسك تاكل أشياء تحبّها وتشتهيها! يهمّنا تكون الرحلة ممتعة وتحب نفسك وجسمك خلالها بدون حرمان وبدون مشاعرسلبية

 

: تعلّم مهارة جديدة 

في الصيف الوقت كله بين يدّك عشان تتعلم مهارات جديدة تستكشف مواهبك الإبداعية! في منصة شرفة حتلاقي دورات كثير وتجارب واسعة تقدر تختار منها وتنطلق في تجربة التعلّم!

 

:مارس الرياضة

 هل الرياضة فعلاً مرتبطة بالسعادة؟ 

الرياضة حتحسّن من حالتك المزاجية وحتساعْدك تنجز وتستمتع بوقتك أكثر! تقدر تختار التمارين المناسبة لك والوقت الأريح لك وتقدر تبدأ خطوة خطوة بدون ما تضغط على نفسك!  تقدر تخلّي تجربة الرياضة مُمتعة وكمان بمشاركة الناس اللي تحبّهم. كيف ؟ 

 جمّعنا لكم مجموعة من التطبيقات اللي حتسهّل عليك آداء التمارين الرياضية والاستمرار عليها

 

  : اهدي نفسك 

مين ما يحب الهدايا؟ ومين ما يفرح بيها؟ والفرحة حتكون مختلفة لمن الهديّة تكون منّك لك وبدون أي مناسبة! نفسك تستحق تعبّر لها عن حبك وامتنانك 

 

 واتذكّر إنّنا دايمًا نقدر نغيّر الطريقة اللي نشوف بيها العالم من حولنا، نقدر نطلع من تجاربنا بدروس عظيمة، نقدر نخلّيها تعطينا وتضيف لنا بدل ما ننشغل بالسلبية والتشاؤم،  نقدر نكون بعد كل تجربة أشخاص أقوى، أفضل وأحسن

 


Leave a Comment

Please note, comments must be approved before they are published


BACK TO TOP